«KIDS COWORKING» АЛАҢЫНЫҢ АШЫЛУ САЛТАНАТЫ ӨТТІ!

Мектебімізде «Оқуға құштар мектеп» жобасы тұрақты түрде жүзеге асуда. Бүгін осы жобаның аясында  мектебімізден білім алып, қазіргі таңда осы мектепте ұстаздық қызметті атқарып жүрген түлектеріміздің демеушілігімен «KIDS COWORKING» алаңының ашылу салтанаты өтті. 

  Лента кесу рәсімі Жамбыл облысы білім және ғылым қызметкерлер кәсіподағының төрағасы Мағзымбеков Ерұлан Сәбенұлына және Байзақ аудандық білім бөлімінің басшысы Мамырбаев Нұрболат Серікұлына берілді. 

Coworking – ағылшын тілінен аударғанда «бірлесе жұмыс істеу» деген мағынаны береді. Яғни, бұл оқушылардың әңгіме-дүкен құратын, оқып-үйренетін, жеке және топтанып келіп жұмыс істейтін, кеңесетін орны. Мұндай бастама – өскелең ұрпақты кітап оқуға баулудың таптырмас жолы. Бұл алаңда балалар тек кітап оқумен ғана шектелмей, сүйікті істерімен айналысып, тоғызқұмалақ, шахмат, дойбы ойындарын ойнай алады.

Жаңаша безендіріліп, өзгеше жабдықталған алаңның оқушылардың тұрақты ортасына айналары сөзсіз.