«Зерттеу мен тәжірибенің түйіскен тұсы: авторлық жұмыс» тақырыбында ғылыми-әдістемелік семинар өткізілді.

Бүгін мектеп кітапханасында «Зерттеу мен тәжірибенің түйіскен тұсы: авторлық жұмыс» тақырыбында ғылыми-әдістемелік семинар өткізілді. 

Семинардың мақсаты – педагогтердің зерттеу мәдениетін қалыптастыру, авторлық тәжірибесін тарату және кәсіби құзыреттілігін арттыру.

Іс-шара барысында Айнұр Жамалбекқызы ғылыми-зерттеу жұмыстары мен тәжірибелік қызметтің өзара байланысын талдап, авторлық бағдарламалар мен әдістемелік өнімдердің мазмұнымен таныстырды. 

Әріптестер зерттеудің педагогикалық тәжірибеге ықпалы, жаңашыл идеяларды білім беру процесіне енгізу жолдары туралы өз көзқарастарын ортаға салды.

Семинар қорытындысында қатысушылар педагогикалық зерттеу мен тәжірибенің сабақтастығын қамтамасыз ету арқылы мұғалімнің кәсіби дамуын жетілдірудің маңызын атап өтті.

 Нәтижесінде: іс-шара мұғалімдердің зерттеушілік қабілетін дамытуға, шығармашылық ойлау мен авторлық ізденісті арттыруға ықпал етті.