ЖАЛПЫ МЕКТЕПІШІЛІК АТА-АНАЛАР ЖИНАЛЫСЫ ӨТКІЗІЛДІ!

19 наурыз күні мектеп-гимназияда “Баланың бас ұстазы - ата-ана” тақырыбында жалпы мектепішілік ата-аналар жиналысы өткізілді. Жиналысқа мектеп-гимназия директоры Ермекова Гүлбахрам Серікқызы, мектеп инспекторы Аймбеков Рахым, директордың оқу ісі жөніндегі орынбасары Қошанов Нұрсұлтан, директордың құқықтық тәрбие ісі жөніндегі орынбасары Алтынбеков Дархан қатысты. Жиналыс барысында 3-тоқсанның қорытындысы, “Позитивті ата-ананың ерекшеліктері”, ұл мен қыз тәрбиелеудің тиімді жолдары, оқушылар мен ата-аналардың міндеттері мен құқықтары туралы айтылып, “Демалыс кезіндегі қауіпсіздік” тақырыбында оқушылардың өмір қауіпсіздігі бойынша ақпараттық түсіндіру жұмыстары жүргізілді. Мектеп инспекторы ата-аналарға қауіпті аймақтар туралы ақпарат беріп, баланы қараусыз қалдырмау жөнінде ескертті. Жиналыс барысында ата-аналардың пікірлері тыңдалып, балалардың іс-әрекеттері мен мінез-құлқын назардан тыс қалдырмау қажеттігі ұсынылды.