ЖАТ ҚЫЛЫҚТАН САҚТАН!

XXI ғасыр - жан-жақты дамып, жетілудің заманы. Өз заманына лайықты қаншалықты ұтымды дүниелер пайда болғанмен, соншалықты кері әсері де бар.  Атап айтсақ, ғаламтор желісінің зияны. Уақыттың текке өтуі, құмар ойындарға тәуелділік, ең бастысы – адамның денсаулығына тигізер кері әсері. Осы орайда 17 қаңтар күні мектеп-гимназияда «Жат қылықтан сақтан» тақырыбында дөңгелек үстел өтті. Дөңгелек үстел барысында жат қылықтар, атап айтсақ, ғаламтор мен құмар ойындарына тәуелділік, оқушылар арасындағы кибербуллинг, зорлық-зомбылық әрекеттер туралы айтылды. Мектеп инспекторы Танабаев Азат Қанатұлы мұндай әрекетке еліктеудің өзі сәтсіздіктерге, тығырықтарға әкеліп соқтыратыны туралы ескертті.