"БАЛА ҚАУІПСІЗДІГІ - ҚОҒАМ КЕЛЕШЕГІ" тақырыбында жиналыс өткізілді.

Нығметулла Киікбаев  атындағы  мектеп-гимназиясында балалардың  қауіпсіздігін қамтамасыз ету шараларын өзектендіру мақсатында  2024 жылдың  қыркүйек айының 27 -сі күні білім беру ұйымының барлық ата-аналарына "БАЛА ҚАУІПСІЗДІГІ - ҚОҒАМ КЕЛЕШЕГІ" тақырыбында жиналыс өткізілді. Жиналыс барысында әлеуметтік желілердегі балалардың қауіпсіздігі талқыланды. Әрбір ата-ана балаларының қауіпсіздігін қамтамасыз етіп, оларды әлеуметтік медиа мен интернеттің зиянды әсерінен қорғауы тиіс екендігі айтылды. Мектеп психологтары тарапынан негізгі қауіптер мен сол қауіптердің алдын алу үшін не істеу керек, ата-ана тарапынан балаға бақылау жасалып, өз баласымен ашық диалогта әңгімелесу керектігі жеткізіліп, "Біртұтас тәрбие" бағдарламасы аясында ұсынылған "Өнегелі 15 минут" бастамасын нығайтуға кеңестер берілді.