АРДАГЕР ҰСТАЗДАРМЕН КЕЗДЕСУ ҰЙЫМДАСТЫРЫЛДЫ

Ел мүддесін бәрінен биік қоятын, өзінен кейінгі ізіне ерген жас ұрпаққа ізеттілігін аямайтын, ұрпағына ұлылығын ұялатып, бір қауымға бас-көз бола білген ардагерлеріміздің қашанда орны ерекше.

Мұғалімдер күні мерекесіне орай мектеп – гимназиямызда «Ұстазыма мың алғыс!» тақырыбында ардагер ұстаздармен кездесу кеші өтті. Кездесу кеші өзгенің уақытын аялай, өз уақытын аямай шәкірт тәрбиелеу ісінде талмай еңбек еткен ұстаздарымыздың қажырлы еңбектерін, жемісті жетістіктерін жас буын өкілдеріне насихаттау  мақсатында өткізілді.  Іс – шара барысында ұстаздарымыз естелік әңгімелерімен бөлісті. Кездесу кешіне қатысқан қонақтарға ұжым атынан естелік сыйлықтар табыс етіліп, ұлағатты ұстаздар ізгі ниеттерін білдірді.