ТАРИХИ-МӘДЕНИ ОРЫНҒА САЯХАТ ҰЙЫМДАСТЫРЫЛДЫ!

Мектеп-гимназияда «Біртұтас тәрбие бағдарламасы» аясында оқушылардың күзгі демалысын тиімді өткізу мақсатында 6-сынып оқушылары «Тарихтан тағлым-өткенге тағзым» тақырыбында Жамбыл облыстық «Тарихи-өлкетану» музейіне саяхат жасап қайтты. Музей қорында көне дәуірден бүгінгі заманға дейінгі материалдық құндылықтар және халқымыз бен мемлекетіміздің өсіп-өркендеуі, әр кезеңдегі елеулі оқиғаларға қатысты тарихи заттар, еңбек, мәдениет, ғылым, қоғам қайраткерлері мен соғыс ардагерлерінің құжаттары мен заттары жинақталған. Оқушылар үшін мұндағы ғасырлар тарихынан сыр шертетін жәдігерлер ерекше әсер қалдырды.