Бастауыш сынып бірлестік айлығы аясында Жакипбаева Самал

Жаратылыстану пәнінен 2 "В" сыныбымен кезекті ашық сабақ өтті. Тақырыбы:  “Адамның қозғалуына не көмектеседі?”

Сабақ барысында оқушылар адамның тірек-қимыл жүйесінің қалай жұмыс істейтінін тәжірибелер арқылы зерттеді.

Қолдың бүгілуін бақылап, бұлшық еттің жиырылуы мен босаңсуы қозғалысты қалай тудыратынын сезінді.

Бұлшық ет моделін қолданып, сүйек пен бұлшықеттің байланысын нақты түсінді.

Пиктограммалар арқылы әр қимылда қандай бұлшық еттердің жұмыс істейтінін талдады.

Топтық, жұптық және жеке тапсырмалар оқушылардың қызығушылығын арттырып, зерттеушілік қабілетін дамытты.

Сабақ соңында “Ақиқат–жалған” ойынымен білімдерін бекітті. 

Ал «Білім қоржыны» әдісі арқылы өз түсініктеріне кері байланыс берді.

 Сабақ балаларға өз денесінің қалай жұмыс істейтінін түсінуге мүмкіндік берген мазмұнды әрі тиімді сабақ болды.