МИФ пәндері бірлестігінің айлығы аясында өткізілген ашық сабақ

Бүгін физика пәнінен 10 “Б” сыныбымен Нұрғалиұлы Диас “Идеал газ күйінің теңдеуі. Изопроцестер” тақырыбында ашық сабақ өткізді. Сабақ аралас форматта ұйымдастырылып, оқушылардың тақырыпты терең меңгеруіне бағытталған теориялық және практикалық тапсырмалар тиімді түрде біріктірілді.

 Сабақтың тақырыбы: «Идеал газ күйінің теңдеуі. Изопроцестер»

 Сабақтың мақсаты:

– тұрақты температура кезінде газ қысымының көлемге тәуелділігін зерттеу (Бойль–Мариотт заңы);

– газ көлемі тұрақты болғандағы қысым мен температура арасындағы байланысты түсіну (Гей–Люссак заңы);

– газ қысымы тұрақты болғандағы көлемнің температураға тәуелділігін анықтау (Шарль заңы);

– идеал газ күйінің теңдеуін есептерде қолдану;

– изопроцестердің графиктерін түсіндіру және тәжірибе арқылы дәлелдеу

Сабақ құрылымы оқу мақсаттарына толық сәйкес жасалып, оқушылардың ғылыми ойлауын, талдау, салыстыру және қорытынды жасау дағдыларын дамытуға оң әсерін тигізді.

Сабақ барысында қолданылған әдіс-тәсілдер:

 “Wordwall” интерактивті сервисі – өткен тақырыпты жылдам қайталауға, негізгі ұғымдарды бекітуге қолданылды.

 “Ойлан. Жұптас. Бөліс” әдісі – оқушылардың мәтінмен жұмыс істеу, ақпаратты талдау және топ ішінде бірлесіп идея бөлісу қабілеттерін арттырды.

 «Көршіңмен бөліс» әдісі – топтық есептерді талқылап, өз шешімдерін дәлелдеуге мүмкіндік берді.

 Жеке жұмыс – әр оқушының білім деңгейін бағалауға арналған тапсырмалар ұсынылды.

Цифрлық құралдарды қолдану:

 Сабақтағы топтық және жеке тапсырмаларды тексеруде интерактивті тақта белсенді қолданылып, оқушылар өз жауаптарын бірден салыстыра алды.

 ЖИ (ChatGPT) арқылы оқушыларға жедел кері байланыс беріліп, есептердің дұрыстығын тексеру мүмкіндігі жасалды.

 Phet платформасында процестер көрсетіліп, оқушылар сұрақтарға жауап беру арқылы жаңа тақырыпты өздері аша алды.

 Сабақтың ерекшелігі:

– Әр топқа нақты бір изопроцесс беріліп, оқушылар физикалық заңды түсіндіріп қана қоймай, тәжірибемен байланыстырды;

– Тапсырмалар сараланып, әр деңгейдегі оқушының өзіндік жұмыс істеуіне жағдай жасалды;

– Жасанды интеллект пен интерактивті ресурстар сабақ сапасын арттырды;

– Сабақ соңында оқушылар өзін-өзі бағалау парағы арқылы жеке нәтижесін анықтады.

 Рефлексивті сауал көмегімен алынған кері байланыс оқушылардың бүгінгі сабақты жақсы меңгергенін көрсетті.

Осындай мазмұнды және цифрлық құралдармен толықтырылған сабақ оқушылардың физикаға деген қызығушылығын арттырып, ғылыми көзқарасын дамытуға ықпал етті.