"Рационал көрсеткішті дәрежесі бар өрнектерді түрлендіру"

МИФ пәндері бірлестігінің айлығы аясында өткізілген ашық сабақ

Бүгін математика пәнінен 11"д" сыныбымен Рыскелдиева Гүлбаршекер Тажибековна аралас, цифрлық құралдарды қолдану арқылы өтілген тақырыпты бекіту мақсатында сабақ өтті. 

Сабақтың тақырыбы: "Рационал көрсеткішті дәрежесі бар өрнектерді түрлендіру" 

Сабақтың мақсаты: - алгебралық өрнектерді түрлендіру үшін рационал көрсеткішті дәреже қасиеттерін қолдану;                                                        Сабақ оқу бағдарламасына сәйкес жоспарланып, рационал көрсеткішті дәрежелердің қасиеттерін қолданып өрнектерді түрлендіруге бағытталды. Сабақ құрылымы оқу мақсаттарына толық сәйкес келді және білім алушылардың аналитикалық ойлау дағдыларын дамытуға жағдай жасалды. Қолданылған әдіс-тәсілдер:

Сабақтың мақсатына жету үшін келесі педагогикалық тәсілдер нәтижелі қолданылды:

«Жұмбақ формула» әдісі – оқушылардың тақырыпты өздігінен анықтауына мүмкіндік беріп, сабаққа қызығушылығын арттырды және зерттеушілік құзыреттілігін дамытты.

Миға шабуыл – логикалық тапсырма арқылы оқушылардың ойлау белсенділігі оятылды.

Топтық, жұптық және жеке жұмыс формалары – саралап оқыту іске асырылып, оқушылардың оқу әрекеттері әртүрлі деңгейде ұйымдастырылды.

Цифрлық құралдарды қолдану:

Топтық және жұптық тапсырмалардың жауабын тексеру үшін Ghipti (ChatGPT) қолданылды. Бұл оқушыларға жедел кері байланыс алуға, өз қателерін түзетуге мүмкіндік берді.

Google Form платформасы арқылы жеке тест жұмысы жүргізілді. Бұл әдіс оқушылардың жеке оқу жетістігін әділ бағалауға және дербес жұмыс істеу дағдысын дамытуға ықпал етті.                                                                                                                     ЖИ арқылы кері байланыс алынды.