«Тьюторлық онлайн мектебі» жобасы Н.Киікбаев атындағы мектеп-гимназиясының ұстаздары «Құндылықтарға негізделген білім беру әдістері» тақырыбында Еңбек және Мырзатайасы Н.Киікбаев атында орта мектебінің ұстаздарымен іс-тәжірибе алмасты.

«Тьюторлық онлайн мектебі» жобасы 

Білім беру үдерісінде оқушылардың тұлғалық қасиеттерін дамытып, олардың бойында патриотизм, адамгершілік, жауапкершілік, сыйластық, еңбекқорлық сияқты құндылықтарды қалыптастыру әдістерін тиімді пайдалану мақсатында Н.Киікбаев атындағы мектеп-гимназиясының ұстаздары «Құндылықтарға негізделген білім беру әдістері» тақырыбында Еңбек және Мырзатай орта мектебінің ұстаздарымен іс-тәжірибе алмасты.

Іс-шара барысында бастауыш сынып мұғалімдері педагог-шебер Елеубаева Р., педагог-зерттеуші Байділдаева Ж. тақырып аясында ашық сабақ беріп, ары қарай педагог-зерттеуші Умирбаева Қ. коучинг өтті.

Пікір алмасу барысында  ұстаздар құндылықтарды пәндік білім мазмұнына кіріктіру арқылы білім алушылар тек теориялық білім алып қана қоймай, сонымен қатар рухани-адамгершілік құндылықтарды меңгеретінін айтып өтті. Білім беру мазмұнына құндылықтарды кіріктіру – білім алушылардың ішкі дүниесін байытып, оларды саналы, жауапты және этикалық тұрғыдан ойлайтын азамат ретінде қалыптастыруға мүмкіндік береді.