“Зерек математик” интеллектуалдық сайысы өтті!

Бастауыш сынып бірлестігінің айлығының аясында 2-сыныптар арасында “Зерек математик” интеллектуалдық сайысы өтті!

Басты мақсат – оқушылардың білімдерін тереңдету, логикалық ойлау қабілеттерін дамыту, шапшаңдыққа, ізденімпаздыққа және ұйымшылдыққа тәрбиелеу.

Сайысқа 18 оқушы қатысып, киіз үй ішіндегі жасырылған асық нөмірлері арқылы 3 топқа бөлінді:

 “Шаңырақ” тобы

 “Уық” тобы

 “Кереге” тобы

Сайыс 4 кезеңнен тұрды:  “Бәйге” – жылдам сұрақ-жауап

 “Көкпар” – амал таңбаларын қою, есептер шығару

 “Ханталапай” – логикалық және жұмбақ есептер (қоңырау басу арқылы)

 “Сырсандық” – құпия тапсырмалар

Сонымен қатар “Көңілді пирамида” сергіту сәті өткізіліп, оқушылар ерекше қызығушылықпен қатысып отырды.

Ұпайлар “Тәтті асықтар” арқылы есептелді.

Сайыс барысында ән шырқалып, қатысушылар мен көрермендерге қуаныш пен көтеріңкі көңіл-күй сыйланды.

 Барлық оқушыларға белсенділігі үшін алғыс білдіреміз!