Мектеп-гимназияда “Біртұтас тәрбие”бағдарламасы негізінде  15 қараша-Ұлттық валюта күніне орай 1-11-сыныптардың арасында «Ұлттық валюта-теңге» тақырыбында тәрбие сағаттары өткізілді.  Мақсаты: тәуелсіз еліміздің ең бірінші айрықша белгісі теңгемен тереңірек таныстыра отырып, Қазақстанның ұлттық ақшасына көшу тарихы, оның маңызын түсіндіру қолдану аясын жете білуменен байланыстыру. Сынып сағатында оқушылар төл валютамыздың қабылдану тарихымен танысып, өзара ой-пікір алмасты.

Мектеп-гимназияда «Жасөспірімдер арасындағы құқықбұзушылық» тақырыбында буллинг, кибербуллингтің алдын-алу мақсатында танымдық сабақ өтті. Сабақ барысында директордың құқықтық тәрбие ісі жөніндегі орынбасары Алтынбеков Дархан «құқықтық тәрбие» ұғымына анықтама беріп, оқушыларға арнайы бейнероликттер көрсетті.

Мектеп-гимназияда Халық қаһарманы Ғазиз Әбдібекұлы Байтасовтың ерлігін еске алуға арналған "Ер есімі - ел есінде" атты танымдық сағат өткізілді.Халқына төнген қауіптің көзін жойғанша тыным таппай, ақтық демі қалғанша адалдық пен жауапкершілік танытып, бейбітшілік пен елдегі тыныштық  үшін өз өмірін құрбан еткен батырымыз мәңгі ел жадында.

«Мектеп парламенті» өзін-өзі басқару ұйымының жаңа Президентін  және министрлерін  ұлықтау рәсімі өтті. Мектеп парламенті өзін-өзі басқару ұйымының мектеп президенті  10 «А» сынып оқушысы Арқабек Нұрбол болып табылды. Мектеп-гимназия директоры Ермекова Гүлбахрам Серікқызы «Мектеп парламенті» өзін-өзі басқару ұйымының жаңа көшбасшыларын  құттықтап, сертификат табыстады.  Алдағы уақытта атқарылатын жұмыстарға сәттілік тіледі.

 Мектеп-гимназияда «Мен өз елімнің патриотымын» тақырыбында республикалық «Жас Ұлан», «Жас Қыран» бірыңғай балалар мен жасөспірімдер ұйымына қабылдау салтанатты іс-шара өтті. Іс-шара ҚР Мемлекеттік Гимнімен басталып, жасұландықтардың мерекелік бағдарламасымен жалғасын тапты. «Жас Ұлан» ұйымына 25 оқушы, «Жас  Қыран» ұйымына  45 оқушы қабылданып, салтанатты түрде ант қабылдады. Іс-шараға құрметті қонақтары оқушыларды марапаттай отырып, алдағы атқарылатын жұмыстарға сәттілік тіледі.