«Ғазиз Байтасов - ел есінде» тақырыбында көрме

Өмір бар жерде ерлік бар...

Халық қаһарманы, бейбіт күннің батыры, тура келген ажалды қаймықпай қарсы алған елінің патриоты Ғазиз Байтасов туралы осылай айтуға болады.

Бүгін Нығметулла Киікбаев атындағы мектеп-гимназиясының кітапханасында «Ғазиз Байтасов - ел есінде» тақырыбында көрме ұйымдастырылды. Көрме мектептің бастауыш сыныптары мен жоғары сынып оқушыларына таныстырылды. Іс-шара барысында Жамбыл облыстық Полиция Департаментінен алынған ақпараттар бойынша полиция капитаны Ғазиз Байтасовтың өмір жолы мен өшпес ерлігі туралы мәліметтер айтылды. ІІМ тарихында есімі жазулы тұрған, тыныштық үшін өз өмірін құрбан еткен жерлесіміздің есімі ұрпақ жүрегінде мәңгі қалары даусыз.