Қазақ тілі мен әдебиеті пәні әдістемелік айлығы аясында пән мұғалімдері Бейбітова Қанат пен Қалдарбекова Гулистанның ұйымдастыруымен жыр алыбы Жамбыл Жабаевтың шығармашылығына арналған "Жүз жыл жырлаған жүрек" тақырыбында әдеби кеш өткізілді.

Нығметулла Киікбаев атындағы мектеп- гимназиясында  қазақ тілі мен әдебиеті пәні әдістемелік айлығы аясында  пән мұғалімдері Бейбітова Қанат пен Қалдарбекова Гулистанның ұйымдастыруымен  жыр алыбы Жамбыл Жабаевтың шығармашылығына арналған "Жүз жыл жырлаған жүрек" тақырыбында әдеби кеш өткізілді. 

Іс- шараның мақсаты ақын өмірі мен шығармаларын насихаттау, өскелең ұрпақ бойына ұлттық рухты сіңіру. 

Оқушылар кеш барысында ақын шығармаларын мәнерлеп жатқа оқып, өмір жолынан сахналық қойылым көрсетті. Домбыра, жетіген аспаптарымен күмбірлете күй  тартып, жыршылардың жырларынан шашу шашты.  Кеш соңында өнер көрсетіп атсалысқан оқушылар мектеп әкімшілігі тарапынан Алғыс хаттармен марапатталды.