🔰«ЖОЛЫҢ БОЛСЫН, ЖАС ТҮЛЕК!» АТТЕСТАТ ТАПСЫРУ РӘСІМІ

14.06.2024 ж. күні «ЖОЛЫҢ БОЛСЫН, ЖАС ТҮЛЕК!» тақырыбымен «Жас түлек-2024» 11-сынып білім алушыларына арналған «Жалпы орта білім туралы аттестат» тапсыру кеші өткізілді.

Мектеп-гимназия директоры Ермекова Гүлбахрам Серікқызы оқушылар мен ата-аналарды құттықтап, шәкірттерімізге жарқын болашақ тілеп, ел өркендеуіне елеулі үлес қосатын тұлғалы азамат болып қалыптасуларына сенімін білдірді.

2023-2024 оқу жылында жалпы 98 оқушы алтын ұя мектебімен қоштасып, үлкен өмірге жолдама алды. Ғани Ұлжан, Хайитбоева Мира, Аликулова Аделя “Алтын белгі” иегерлері болып табылса, Асылханқызы Нұрай, Асылбекова Арайлым, Бақытбекқызы Айнұр, Қуаныш Құралай, Нұрсәлім Балнұр “Үздік аттестат” иегерлері.

Мектебің –алтын ұя жарқыраған

         Ұстазың- бұлақ көзі сарқыраған

         Шыңдалып, шыңға қарай қанат қақтың,

         Шарықта, жас қыраным, ақ жол саған.

Барша шәкірттерді құттықтаймыз!!!