ПЕДАГОГИКАЛЫҚ КЕҢЕС ӨТТІ.

26 тамыз 2025 ж. Нығметулла Киікбаев атындағы мектеп-гимназиясында "2025-2026 оқу жылындағы мектептің білім беру саясаты мен басымдықтары" тақырыбында жаңа оқу жылындағы алғашқы педагогикалық кеңес отырысы өтті. Педагогикалық кеңеске Жамбыл облысы әкімдігінің білім басқармасының оқу-әдістемелік орталығының әдіскері Алимбекова Алия Сейсеновна қатысты. 

Мектеп-гимназия директоры Ермекова Гүлбахрам Серікқызы ұстаздарды жаңа оқу жылының басталуымен құттықтап, педагогикалық кеңестің мақсатымен таныстырып, 2025 жылы 15 тамызда Астана қаласында өткен республикалық Тамыз конференциясында еліміздің Президенті Қасым-Жомарт Кемелұлы Тоқаев атап өткен білім беру саласындағы негізгі басымдықтарға тоқталды. 

Күн  тәртібіне енгізілген сұрақтарға сәйкес, ДҒӘІЖО А.А. Карабаева «2025-2026 оқу жылында  Қазақстан Республикасының жалпы  білім беретін мектептерінде білім беру процесін ұйымдастырудың ерекшеліктері туралы » әдістемелік нұсқау хатының мазмұнымен таныстырды. Мектепте оқу-тәрбие процесін ұйымдастыру бойынша 2025-2026 оқу жылына арналған жылдық жұмыс жоспарларын бекіту туралы ДОІЖО А.Б. Амирханова және ДБІЖО А.Ж.Жолдасбекова баяндады. Мектеп қызметінің ұйымдастырушылық және шаруашылық мәселелеріне байланысты  ДТІЖО Г.У.Рахимоваға сөз берілді. 

Педагогикалық кеңес барысында ұстаздар баяндамышыларға сұрақтар қойып, өз пікірлерін білдіріп отырды. Әр мәселе бойынша дауыс беру арқылы жеке-жеке шешім қабылданды.