«Балдәурен» жазғы сауықтыру лагерінде «Шабыт» үйірмесінің ұйымдастыруымен «Тіл білгірі» сайысы жоғары деңгейде өтті. Балалар өз білімдерін ортаға салып, тапқырлық танытты. Қазақ тіліне деген қызығушылық пен құрметті арттыруды мақсат еткен сайыс нәтижесінде үздік шыққан қатысушылар дипломдармен марапатталды. Тәрбиелік мәні зор, танымдық шара балалардың көңілінен шықты.  

“Балдәурен” лагерінде “Лагерь ханзадасы мен ханшайымы” атты көңілді әрі әсерлі байқау өтті. Байқау барысында қатысушылар өзіндік таныстыруларын жасап, әсем би билеп, ән шырқады. Сондай-ақ сән көрсетілімі ұйымдастырылып, балалар өздерінің шығармашылығы мен талғамын көрсете білді. Шара балалардың өз-өзіне сенімділігін арттырып, өнерге деген қызығушылығын оятты.

“Шығармашыл шеберхана” үйірмесінің ұйымдастыруымен патриоттық бағыттағы шығармашылық сағат өтті. Балалар Тудың бейнесін салып, өз туындылары арқылы Отанға деген сүйіспеншіліктерін білдірді. Іс-шара барысында оқушылардың патриоттық сезімі оянып, рәміздерге құрмет артты.

“Шабыт” үйірмесінің ұйымдастыруымен “Рәміздерім – мәртебем” тақырыбында танымдық сағат өтті. Іс-шара барысында балаларға мемлекеттік рәміздердің тарихы мен маңызы жайлы мағлұмат беріліп, тақырыпқа сай бейнеролик көрсетілді. Танымдық сағат оқушылардың патриоттық сезімін оятып, рәміздерге деген құрметін арттырды.

English Start үйірмесінің ұйымдастыруымен қызықты әрі танымдық үйірме сағаты өтті. Балалар түрлі тапсырмалар орындап, жаңа сөздер үйреніп, өз ойларын ағылшын тілінде жеткізуге тырысты. Шара оқушылардың тіл үйренуге деген қызығушылығын арттырды.

«Балдәурен» жазғы лагерінде 4 маусым – Мемлекеттік Рәміздер күніне орай “Жаса, Қазақстан!” тақырыбында әсем флешмоб ұйымдастырылды. Балалар көк туымызды желбіретіп, патриоттық әнмен би билеп, елге деген сүйіспеншіліктерін білдірді. Шара көтеріңкі көңіл күй мен ерекше әсер сыйлады.

“Барыс” тобында отряд жетекшілері балалармен бірге “Кейіпкерлер әлеміне саяхат” тақырыбында қызықты танымдық сағат ұйымдастырды. Балалар сүйікті мультфильм, ертегі кейіпкерлерін еске түсіріп, олардың бойындағы жақсы қасиеттерді талдады. Іс-шара барысында кейіпкерлерді сахналап, шағын көріністер көрсетті. Бұл саяхат балалардың қиялын ұштап, сөйлеу, ойлау дағдыларын дамытуға үлкен септігін тигізді.

“Жалын” тобында балалар отряд жетекшілерімен бірлесе отырып, шығармашылыққа толы боямақ сағатын өткізді. Түрлі-түсті бояулармен сурет салып, өз қиялындағы әлемді бейнелеген балапандардың жүзінен шаттық пен қуаныш байқалды. Бұл сағат баланың ойлау қабілетін, эстетикалық талғамын дамытумен қатар, жақсы көңіл-күй сыйлады.

“Балдәурен” жазғы лагерінде “Бейбіт күн – бақытты балалық” тақырыбында асфальтқа сурет салу байқауы өтті. Балалар қиялға ерік беріп, түрлі түсті суреттермен бейбіт өмір мен балалық шақтың шаттығын бейнеледі. Байқау соңында ерекше көзге түскен қатысушылар дипломдармен марапатталды. Көңілді әрі шабытты шара балаларға ерекше әсер сыйлады.

“Балдәурен” жазғы лагерінде “English Start” үйірмесінің ұйымдастыруымен “Барыс” тобында “Who I am” тақырыбында танымдық үйірме сағаты өтті. Балалар ағылшын тілінде өздерін таныстырып, түрлі сұрақтарға жауап беріп, тілдік дағдыларын жетілдірді. Үйірме сағаты қызықты әрі белсенді өтті.